Direktevrras lea ovddasvástádus beaivválaš hálddahuslaš ja fágalaš jođiheapmái, siskkobeale rámmaid maid stivra mearrida. Adele Matheson Mestad doaibmá direktevran, son biddjui dan virgái golggotmánu vuosttaš beaivvi 2018. Matheson Mestad lea leamaš veahkkedirektevra 2016 rájes. NIM jođihangottis lea son bargan strategiijain ja ásahusovdánemiin ja sus lea maid leamaš ovddasvástádus fágalaš kvalitehtasihkkarastimis.

Adele Matheson Mestad lea juristaoahpu váldán Oslo universitehtas ja son lea maŋŋel gárven LL.M. internationála láhkaoahpus New York universitehtas (NYU). Son lea logi jagi bargan advokáhttan Ráđđehusadvokáhtas. 2013 son oaččui searvanrievtti Alimusriektái. Son lea muđui bargan áššáskuhtti eiseválddiide Rwanda-duopmostuolus ja searvvai jagi 2018 Suodjalusa jođiheaddjeskuvlii.

Matheson Mestad doaibmagođii direktevran maŋŋel Petter Wille (r. 1949), gean Stuoradiggi nammadii direktevran guđa jáhkkái 2016`s. Wille geassádii čakčat 2018. Direktevra ovddasvástádus ja doaimmat bohtet ovdan Norgga olmmošvuoigatvuohtaásahusa lágas ja láhkaásahusas.