Redd Barna ja Norgga olmmošvuoigatvuohtaásahus (NIM) sávvet oahpaheddjiide, mánáidgárdebargiide ja earáide geat barget mánáiguin bures boahtima ođđa sámegielat oahpponeavvogihppaga almmuheapmai veahkaváldima ja illasteami birra, sámegillii.
Buohkat geat barget mánáiguin iežaset bargguin lea vejolašvuohta ja geatnegasvuohta eastadit illasteami ja rohcošeami mánáid vuostá. Čoavdda eastadeapmái lea máhttu ja diehtu sin birra geasa dat guoská – mánáin. Okta buoremus baikin gos sihkkarástit dan oahpu ja máhtu lea skuvllas.
Eastadit veahkaváldima ja illasteami mánáid vuostá
Nasjonalt kunnskapssenter om vold og traumatisk stress (NKVTS) raporttas (2019) boahtá ovdan ahte okta guovttelogis lea vásihan veahkaváldima. Dávjjimus olggobealde ruovttu. Okta njealjis ges muitala ahte lea váhnen gii lea veahkaváldi.
2018’is almmuhii ges NIM raportta Veahkaválddálašvuohta ja illasteapmi sámi servodagain gos boahtá ovdan ahte sápmelaččat vásihit eanet veahkaváldima go earát.
Raporttat čájehit ahte veahkaváldin ja illasteapmi lea servodathástalus Norggas ja erenoamáš hástalus sámi servodagain.
NIM raporttas evttohuvvo ahte ráhkaduvvojit oahpponeavvut fáttá birra maid skuvllain sáhttá atnit. Redd Barna lea guhká bargan fáttáin ja deattuha man dehálaš dat lea ahte mánát ohpet iežaset goruda ja iežaset rájiid birra.
Redd Barna lea danne ráhkadan nevvodangihppaga mii heive filmmaide “Mu gorut lea mu iežan”, ja dat lea dal jorgaluvvon davvisámegillii. Mii sávvat gihpa boahtá adnot skuvllain ja mánáidgárddiin.
Eastadit veahkaváldima ja illasteami mánáid vuostá lea ovttasbargu. Seminára lea rábas buohkaide, muhto earenoamážiid skuvllaide ja earáide geat barget mánáiguin. Dieđit áinnas jus boađat.
Goas: 25.02.2020 dii. 10.00 – 11.15
Gos: Diehtosiida, Hánnoluohkka 45, Guovdageaidnu, Sullodat lánjas
Prográmmá:
10.00: Bures boahtin – Mikkel Eskil Mikkelsen (video bokte), Sámedikki ráđđelahttu
10.10: Veahkaválddálašvuohta ja illasteapmi sámi servodagain – Johan Strömgren, guovllukantuvrrajođiheaddji NIM
10.20: “Mu gorut lea mu iežan” – Thale Skybak, sekšuvdnajođiheaddji ja Risten Birje Steinfjell, seniorráđđeaddi Redd Barna
10.50: Digaštallan
11.15: Loahpaheapmi – NIM ja Redd Barna