Giella: Dárogillii, muhto dulkojuvvo sámegillii
Jus áiggot searvat, de fertet dieđihit seminárii.
Dálkkádatroassu buktá stuora čuolmmaid ja gažaldagaid main juridihkka, politihkka ja dieđalašvuohta deaivvadit. Dálkkádatrievdamat áitet olmmošvuoigatvuođaid duohtandahkama, nugo vuoigatvuohta priváhta- ja bearašeallimii, ruktui, dearvvašvuhtii ja kultuvrii. Árktalaš guovllut liegganit meastta njealje geardde jođáneappot go muđui máilbmi. Ja oassi sámi kultuvrras áitojuvvo sakka go dálkkádat rievdá. Soames ládje leat sápmelaččat otná “kanárialottit ruvkkes”, dálkkádatrievdamiid ektui.
Raporta ulbmil lea guorahallat makkár suodjalus sápmelaččain Norggas lea dálkkádatrievdamiid váikkuhusaide, olmmošvuoigatvuođaid vuođul. Raporta sáhttá guovtte sadjái juohkit: Raportta vuosttaš oassi čoahkkáigeassá dálkkádatrievdamiid váikkuhusaid ja vurdojuvvon váikkuhusaid Sámis, oktan váikkuhusaiguin sámi boazodollui, guolásteapmái ja dearvvašvuhtii. Dán máhttovuođu vuođul analysere nubbi oassi eiseválddiid ja fitnodagaid olmmošvuoigatvuođageatnegasvuođaid.
Dát lea duogáš dasa go NIM ovddida ávžžuhusaid sihke Norgga ráđđehussii ja ealáhuseallimii das mo sii buorebut sáhttet duohtandahkat olmmošvuoigatvuođaid dakko bokte ahte álggahit johtilis ja viiddis ruoná molsašumi mii doahttala olmmošvuoigatvuođaid.
NIM bovde buohkaid almmuheapmái ja sávvá maid ahte raporta buktá viidáset ságastallama fáttá birra boahtteáiggis.
Prográmma
- 09.00: Bures boahtin ja álggaheapmi, NIM stivrajođiheaddji Trine Skei Grande
- 09.10: Raporta ovdanbuktin, NIM
- 09.40: Sámeráđđi olmmošvuoigatvuohtaossodaga jođiheaddji Eirik Larsen: Sámeráđi bargu dálkkádatrievdamiid ektui
- 09.50: Amnesty politihkalaš ráđđeaddi ja NIM stivraláhttu Aili Keskitalo: Amnesty davviriikkalaš bargu sámi rivttiid ja dálkkádatrievdamiid ektui
- 10.00 – 10.30: Panelaságastallan sámi rivttiid ja dálkkádatrievdamiid birra
Oasseváldit
- Sandra West, politihkalaš ráđđeaddi, Sámediggi
- Geir Ulfstein, Oslo universitehta professor emeritus ja NIM stivraláhttu
- Eirik Larsen, Sámeráđđi olmmošvuoigatvuohtaossodaga jođiheaddji
NIM áigo maid almmuheami raportta digitála hámis eŋgelasgillii, njukčamánus. Eanet diehtu dan birra boahtá maŋŋel.